Ekonomian, biztanleria aktiboa lan-merkatuan dauden pertsonen kopurua da, hots, ordainsaritutako lanean ari diren pertsonek eta lanpostu bat bilatzen duten pertsonek, baldin eta horretarako adina badute, osatzen dute biztanleria aktiboa. Biztanleria aktibotik baztertu behar dira, beraz, lanpostu bat bilatzen ari ez diren pertsonak (ikasleak edo besterik gabe une batean lan egin nahi ez duten pertsonak) eta ordainsaririk gabe lan egiten duten pertsonak (etxeko lanetan ari direnak, esaterako). Espainian biztanleria aktiboa Biztanleria Aktiboaren Inkesta izeneko inkesta baten bitartez kalkulatzen da, hiru hilabetero egiten dena.
![]() |
Artikulu hau ekonomiari buruzko zirriborroa da. Wikipedia lagun dezakezu edukia osatuz. |